Aleanca është një forcë politike që beson në një Kosovë
më të drejtë, më të zhvilluar dhe më të bashkuar.
Aleanca do të ndërtojë një ambient të sigurt gjeostrategjik për investitorët përmes marrëdhënieve të qarta me NATO-n, SHBA-në dhe BE-në. Ne do të udhëheqim një doktrinë sovrane ku zhvillimi ekonomik, diplomatik dhe institucional i Kosovës nuk mbahet më peng i njohjes nga Serbia. Ky rrugëtim do të trajtohet si një pako e vetme zhvillimore që fuqizon sundimin e ligjit, ndërton raporte të qëndrueshme institucionale me Shqipërinë dhe mobilizon kapitalin e diasporës në shërbim të shtetit.
Aleanca do ta trajtojë sektorin privat si motorin kryesor të punësimit përmes një pakte të re që ul barrën tatimore dhe thjeshton procedurat. Ne do të propozojmë ligje që reformojnë drejtësinë komerciale, shkurtojnë afatet gjyqësore për bizneset dhe i japin siguri të plotë kapitalit vendor e të huaj. Ky model do të funksionalizojë të gjitha asetet e pashfrytëzuara të shtetit për të hapur vende të reja pune, duke garantuar paralelisht kushte dinjitoze dhe zbatim të plotë të Ligjit të Punës.
Aleanca do ta trajtojë energjinë si çështje të sigurisë kombëtare për të garantuar furnizim të qëndrueshëm dhe çmime më të parashikueshme në treg. Industria, prodhimi dhe kompanitë e mëdha nuk do të varen më nga importet e luhatshme apo krizat e mbylljes. Krahas kësaj, ne do të ndërtojmë një rrjet modern rrugor dhe lidhje logjistike si instrumente ekonomike që ulin koston e transportit dhe rrisin drejtpërdrejt konkurrueshmërinë e prodhuesve tanë.
Aleanca do të jetësojë një reformë rrënjësore në sistemin arsimor për të prodhuar aftësi praktike dhe profesionistë realë. Shkollat profesionale, universitetet dhe programet e trajnimit do të riorganizohen dhe do të lidhen direkt me nevojat e tregut të punës. Ky investim strategjik do të orientohet drejt sektorëve me potencialin më të lartë të rritjes siç janë prodhimi, teknologjia, energjia, ndërtimi, shërbimet dhe eksporti.
Aleanca do të rrisë pensionet dhe mbështetjen sociale përmes zgjerimit të qëndrueshëm të ekonomisë dhe rritjes së të hyrave reale buxhetore. Pensionet më të larta dhe mbështetja sociale më e drejtë nuk mund të vijnë pa zgjerim të ekonomisë dhe rritje të të hyrave buxhetore. Mbështetja e Aleancës do të fokusohet tek ata që kanë vërtet nevojë, ndërsa ata që mund të punojnë do të ju krijohen mundësi të reja që të integrohen në tregun e punës.
Aleanca do të ndërtojë një sistem që mbron familjen kosovare duke e kthyer Fondin e Sigurimeve Shëndetësore në një realitet të prekshëm që në vitin e parë. Ne do të heqim çdo tarifë bazë apo participim në sportele, në mënyrë që askush të mos paguajë më apo të blejë vetë barnat esenciale gjatë mjekimit. Ky model do të shtrihet në tri nivele duke garantuar mjekun e familjes për çdo shtëpi, autonomi për spitalet rajonale dhe digjitalizim të plotë (SISH).
Gjashtë shtyllat strategjike të platformës tonë mbeten vizioni i palëkundur i Aleancës për të ardhmen e Kosovës. Edhe nga pozicioni i opozitës, ne vazhdojmë të avokojmë fuqishëm për një ambient të sigurt gjeostrategjik me NATO-n dhe SHBA-në, ku zhvillimi sovran nuk mbahet peng. Ky vizion kërkon mbrojtjen e sektorit privat, drejtësi efikase komerciale dhe siguri të plotë energjetike. Rrugëtimi ynë opozitar do të jetë zëri kryesor për reformën në arsimin profesional, rritjen reale buxhetore për pensione dinjitoze dhe një sistem shëndetësor me shërbime vërtet falas. Kjo platformë është alternativa jonë aktive dhe zotimi ynë i përditshëm ndaj qytetarëve.
Ardian Gjini
Kryetar i Aleancës
Kreu i Aleancës, Ardian Gjini, ka kritikuar institucionet e shtetit lidhur me rastin e vrasjes së Arlinda Zekajt nga kunati i saj në Vitomiricë të Pejës. Gjini ka thënë në emisionin “DPT te Fidani” se institucionet kanë qenë vazhdimisht të njoftuara për problematikat që kanë ekzis…
Lexo më shumë
Gjini me kritika të ashpra: Kurti ose është i paaftë mendërisht, ose është kapo (VIDEO) — Klan Kosova
Lexo më shumë
Kreu i Aleancës, Ardian Gjini, ka folur lidhur me vendimin e Hagës, gjatë një interviste në emisionin “DPT te Fidani” në Klan Kosova. Gjini tha se Aleanca ka qenë konsistente në qëndrimin e saj dhe se nuk ka bërë kalkulime politike lidhur me këtë çështje. Ai u shpreh se shpreson q…
Lexo më shumë